ზუგდიდის საავადმყოფოში გრიპის სიმპტომებით 28 ადამიანი მკურნალობს, აქედან ორი მართვით სუნთქვაზეა

ზუგდიდის საავადმყოფოში გრიპის სიმპტომებით მოთავსებული პაციენტების რაოდენობამ იკლო. ამ დროისთვის საავადმყოფოში გრიპისთვის დამახასიათებელი სიმპტომებით 28 ადამიანი მკურნალობს, აქედან ორი მართვით სუნთქვაზეა. ამის შესახებ „ინტერპრესნიუსს“ ჰოსპიტალის სამედიცინო მენეჯერმა სულხან ორჟონიამ განუცხადა. მისივე თქმით, იკლო როგორც მიმართვიანობამ, ასევე სტაციონარულმა შემთხვევებმაც.

დეკემბერ-იანვარში ე.წ. ღორის გრიპის ვირუსის 13 შემთხვევა დაფიქსირდა. აქედან, ორი ადამიანი გარდაიცვალა.