რუსთავის მერი GIZ-ის და გარემოს დაცვისა და სოფლის მეურნეობის სამინისტროს კლიმატის ცვლილებების სამმართველოს უფროსს შეხვდა

რუსთავის მერი ირაკლი ტაბაღუა გერმანიის საერთაშორისო თანამშრომლობის საზოგადოების (GIZ) წარმომადგენლებსა და გარემოს დაცვისა და სოფლის მეურნეობის სამინისტროს კლიმატის ცვლილებების სამმართველოს უფროსს შეხვდა.

როგორც „ინტერპრესნიუსს“ რუსთავის მერიიდან აცნობეს, შეხვედრაზე ქალაქ რუსთავში ველოინფრასტრუქტურის განვითარებაზე იმსჯელეს. მათი ინფორმაციით, კლიმატის ცვლილებებთან ბრძოლის და მერების შეთანხმების ფარგლებში, გერმანიის საერთაშორისო თანამშრომლობის საზოგადოება(GIZ) 130 ათასი ევროს ღირებულების პროექტს ახორციელებს, რომელსაც გერმანიის გარემოს დაცვის სამინისტრო აფინანსებს.

რუსთავის მერიის ცნობით, პროექტის ფარგლებში, საქართველოს ოთხ ქალაქში, მათ შორის რუსთავშიც კვლევა ჩატარდა. შემდგომ ეტაპზე, კონკრეტული პროექტიც მომზადდება, რომელიც ველოინფრასტრუქტურის განვითარების ხელშეწყობას ითვალისწინებს.

ირაკლი ტაბაღუამ სტუმრებს ქალაქის ქუჩებში, ასევე კულტურისა და დასვენების პარკში მოწყობილი ველობილიკები დაათვალიერებინა და ველოინფრასტრუქტურის განვითარებისა და ზოგადად, ველოსპორტის პოპულარიზაციის კუთხით, რუსთავში განხორციელებულ და დაგეგმილ პროექტებზეც მიაწოდა ინფორმაცია.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ