ბათუმსა და ოზურგეთში დეცენტრალიზაციის საშუალოვადიანი სტრატეგია განიხილეს

დეცენტრალიზაციის საშუალოვადიანი სტრატეგიის (2019-2025) პროექტის განხილვა რეგიონებში აჭარიდან დაიწყო. დღეს ბათუმსა და ოზურგეთში გამართულ შეხვედრებში საქართველოს რეგიონული განვითარებისა და ინფრასტრუქტურის სამინისტროს, ადგილობრივი თვითმმართველობებისა და არასამთავრობო ორგანიზაციების წარმომადგენლები მონაწილეობდნენ. ამის შესახებ „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

მათი ინფორმაციით, რეგიონული განვითარებისა და ინფრასტრუქტურის სამინისტროს მიერ შემუშავებული პროექტის განხილვა ყველა რეგიონშია დაგეგმილი.

„ამ ეტაპზე ჩვენ სახეზე გვაქვს დაფინანსების, ე. წ. ტრანსფერის ახალი მოდელი, რომელიც მუნიციპალიტეტების ბიუჯეტის ზრდას ითვალისწინებს და ცენტრალური ბიუჯეტიდან თანხების განაწილების სრულიად ახალ მოდელს გვთავაზობს. სტრატეგია ასევე ითვალისწინებს შემოსავლების ეტაპობრივ ზრდას და რაც არანაკლებ მნიშვნელოვანია, ცენტრალურ დონეზე იდენტრიფიცირებული იქნება ყველა ის სერვისი და უფლებამოსილება, რაც დღეს შეიძლება მუნიციპალიტეტმა გააკეთოს“ - აღნიშნა რეგიონული განვითარებისა და ინფრასტრუქტურის სამინისტროს ადგილობრივი თვითმმართველობის პოლიტიკის დეპარტამენტის უფროსმა ნიკოლოზ როსებაშვილმა.

საკონსულტაციო შეხვედრებს, სამინისტროსთან ერთად, საქართველოს ადგილობრივ თვითმმართველობათა ეროვნული ასოციაცია მართავს.

„სტრატეგია გულისხმობს 2025 წლამდე პერსპექტივას, ის მოიცავს თვითმმართველობისთვის როგორც ახალი უფლებამოსილებების, ასევე მეტი ფინანსების გადაცემას და მოქალაქეთა მონაწილეობის უკეთესი მექანიზმების შექმნას,” - განაცხადა ასოციაციის აღმასრულებელმა დირექტორმა დავით მელუამ.

სტრატეგიის განხილვა ხვალ ზუგდიდსა და ქუთაისში გაიმართება. შეხვედრების პირველი ციკლი კი 19 იანვარს ამბროლაურში დასრულდება.

„დეცენტრალიზაციის საშუალოვადიან სტრატეგიაზე სხვადასხვა დაინტერესებული მხარეების, მათ შორის არასამთავრობო და საერთაშორისო ორგანიზაციების, ამ სფეროში მომუშავე ექსპერტების ჩართულობით, სამი სამუშაო ჯგუფი მუშაობდა შემდეგი მიმართულებებით: ადგილობრივი თვითმმართველობის უფლებამოსილებების გაზრდა, ფინანსური დეცენტრალიზაცია და ადგილობრივი თვითმმართველობის განხორციელებაში მოქალაქეთა მონაწილეობის უზრუნველყოფის მექანიზმების სრულყოფა.

დეცენტრალიზაციის სტრატეგიისა და სამოქმედო გეგმის შემუშავების პროცესი საქართველოში გაეროს განვითარების პროგრამის (UNDP) და დანიის მთავრობის მხარდაჭერით ხორციელდება,” - ნათქვამია სამინისტროს ინფორმაციაში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს