ბათუმში, ძლიერი ქარის შედეგად მიყენებული ზარალის ოდენობა უახლოეს დღეებში გახდება ცნობილი, - ამის შესახებ ბათუმის მერიაში განაცხადეს.
როგორც უწყებაში აღნიშნეს, ზარალის დათვლა ამ დრომდე მიმდინარეობს.
შეგახსენებთ, რომ ბათუმში გუშინ ძლიერი ქარის შედეგად საცხოვრებელი სახლების სახურავები დაზიანდა, ასევე ახალი კორპუსებიდან ჩამოვარდნილმა ფანჯრებმა რამდენიმე კერძო სახლის სახურავი დააზიანა.
შინაგან საქმეთა სამინისტრომ ადამიანების დაშავებისა და ავტომობილების დაზიანების 17 ფაქტზე გამოძიება დაიწყო. შსს-ს ცნობით, გუშინ ძლიერი ქარის შედეგად 4 ადამიანი დაშავდა. მათი სიცოცხლეს საფრთხე არ ემუქრება.