ზუგდიდის რეფერალურ ჰოსპიტალში, სავარაუდოდ, გრიპის ვირუსით მამაკაცი გარდაიცვალა

ზუგდიდის რეფერალურ ჰოსპიტალში, გრიპის ვირუსისთვის დამახასიათებელი სიმპტომებით მოთავსებული შუა ხნის მამაკაცი, რომელიც მართვით სუნთქვაზე იყო, გარდაიცვალა. ამის შესახებ „ინტერპრესნიუსს“ ჰოსპიტალის კლინიკურმა მენეჯერმა სულხან ორჟონიამ განუცხადა. მისივე ინფორმაციით, კიდევ ერთი პაციენტის მდგომარეობა რჩება მძიმედ და ის მართვით სუნთქვაზეა.

„ამ დროისთვის სულ 27 პაციენტი მკურნალობს, აქედან ხუთი ბავშვია, ერთის მდგომარეობა კი მძიმეა. რაც შეეხება გარდაცვლილს, ჰქონდა თუ არა მას ე.წ. ღორის გრიპი, ანალიზი უკვე გაგზავნილია შესაბამისი კვლევისთვის და ველოდებით პასუხს“, - აცხადებს ორჟონია.

ბოლო მონაცემებით, ლაბორატორიულად დამტკიცებული H1N1 -ით გარდაცვალების 17 შემთხვევაა დაფიქსირებული.

იხილეთ ვიდეო: H1N1-ის ვირუსით ზუგდიდში ერთი ადამიანი გარდაიცვალა