ბათუმის საკრებულოში პორტში კარბამიდის ტერმინალის მშენებლობის პროექტის შესახებ საჯარო განხილვა გაიმართა

დღეს ბათუმის საკრებულოში პორტში კარბამიდის ტერმინალის მშენებლობის პროექტის შესახებ საჯარო განხილვა გაიმართა. პროექტის საჯარო განხილვის ინიციატორები ბათუმის მერია და კომპანია Wondernet Exspress Investment Group-ი იყო. კომპანიამ გადაწყვიტა საზოგადოებას, ბათუმელებს მიაწოდოს ვრცელი ინფორმაცია ამ პროექტის შესახებ, ასევე, კარბამიდის ტერმინალის ეკოლოგიურ უსაფრთხოებასა და ეკონომიკურ სარგებელზე.

საკრებულოს შენობაში დაგეგმილი პროექტის საინფორმაციო განხილვაზე მიწვეულნი იყვნენ დამოუკიდებელი ექსპერტები, მედიის წარმომადგენლები და ყველა ის მოქალაქე, ვისაც სურვილი ჰქონდა მიეღო ამ საკითხის შესახებ ამომწურავი ინფორმაცია. განხილვაზე ყურადღება გამახვილდა ბათუმის პორტის კარბამიდის ტერმინალის ეკოლოგიურ უსაფრთხობასა და მის თავსებადობაზე ბათუმის ტურისტული პოტენციალის განვითარებასთან.

აღსანიშნავია, რომ კომპანია Wondernet Exspress Investment Group-ი უმსხვილეს ამერიკულ კორპორაცია Trammo-სთან ერთად ტერმინალის ასაშენებლად 20 მილიონი დოლარის ინვესტიციის ჩადებას გეგმავს. ხელშეკრულება მხარეებს შორის რამდენიმე დღის წინ გაფორმდა, როდესაც ბათუმს თვითონ ამერიკული კომპანია tranmo-ს პრეზიდენტი სტუმრობდა. პროექტის თანახმად, ცენტრალური აზიის ქვეყნებიდან შავი ზღის ნავსადგურებში აზეირბაიჯანისა და საქართველოს გავლით ლოგისტიკური დერეფანი შეიქმნება. ტერმინალი აღიჭურვება მინერალური სასუქების გადატვირთვისთვის საჭირო თანამედროვე ტექნოლოგიით. ტერმინალი წლის განმავლობაში 1 200 000 ტონამდე სასუქის გადამუშავებასაც შეძლებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს