აქციის მონაწილეების განცხადებით, დეპუტატს კარბამიდის საშიშროების შესახებ ინფორმაცია არ აქვს და მოსახლეობა შეცდომაში შეჰყავს

ბათუმის პორტთან მიმდინარე აქციაზე, მოქალაქეები აჭარის უმაღლესი საბჭოს დეპუტატთან "ქართული ოცნებიდან", ვლადიმერ მგალობლიშვილთან შეხვედრას ითხოვენ. მათი თქმით, დეპუტატს კარბამიდის საშიშროების შესახებ ინფორმაცია არ აქვს და მოსახლეობა შეცდომაში შეჰყავს.

აქციის მონაწილეების განცხადებით, ხელისუფლება ტერმინალს პირადი ინტერესებისთვის აშენებს და სამომავლო საფრთხეს არ ითვალისწინებს. აქციის მონაწილეები პროექტის შეწყვტას ითხოვენ.

"მოვიდეს ბატონი ლადო მგალობლიშვილი და კარბამიდი შეჭამოს. დარწმუნებული ვარ, 15 წუთში ინფექციურში იქნება. როგორც ჩანს, ვერ გაიგო ხელისუფლებამ, რომ ხალხია მნიშვნელოვანი. გამოდით ყველა, არ ვართ საკმარისი ძალა, რომ გადავწყვიტოთ. ყველა უნდა გამოვიდეთ ტერმინალის წინააღმდეგ. ბატონი ლადო კარგად გაერკვეს და ისწავლოს გამართული საუბარი. იგი არ არის კომპეტენტური. მას დაავალეს, რომ პირდაპირ ეთერში ეჭამა კარბამიდი", - განაცხადა აქციის მონაწილემ, მიხეილ ქავთარაძემ.

გუშინ საზოგადოებრივი მაუწყებლის აჭარის ტელევიზიისა და რადიოს ეთერში აჭარის უმაღლესი საბჭოს "ქართული ოცნების" დეპუტატმა ვლადიმერ მგალობლიშვილმა კარბამიდი შეჭამა და განაცხადა, რომ ბათუმის პორტში მინერალური სასუქების ტერმინალი შენდება, რომელიც საფრთხეს არ წარმოადგენს.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია