ბათუმში, ბარათაშვილის ქუჩაზე ავტოსაგზაო შემთხვევის შედეგად ქვეითად მოსიარულე ქალი დაშავდა. იგი სასწრაფო სამედიცინო დახმარების ბრიგადამ რეფერალურ საავადმყოფოში გადაიყვანა.
ექიმების განცხადებით, დაშავებულს დაზიანება გულმკერდის არეში აღენიშნება. თვითმხილველების ინფორმაციით, ავტოსაგზაო შემთხვევისას მსუბუქი ავტომობილი ქვეითს დაეჯახა. ადგილზე სამართალდამცავები არიან მობილიზებული.