გორის მერიაში ადგილობრივი ბიუჯეტიდან სოციალური პროგრამების თანადაფინანსების მეთოდოლოგიის შესახებ სამუშაო შეხვედრა მიმდინარეობს.
როგორც „ინტერპრესნიუსს“ გორის მერიიდან აცნობეს, უწყების თანამშრომლები პროექტის განაცხადისა და სააპლიკაციო ფორმის სწორად შევსებისა და მუნიციპალიტეტში წარმოდგენილი წინადადებების შერჩევის კრიტერიუმების შესახებ ეცნობიან ინფორმაციას.
შეხვედრას უძღვება PIN-ის სამოქალაქო საზოგადოების განვითარების პროექტის მენეჯერი ნანა ყურაშვილი.
„სოციალური პროექტების თანადაფინანსების პროგრამით“ ფინანსდება ისეთი ორგანიზაციები, რომლებიც თავისი პროექტების განხორციელებით ხელს უწყობენ გორის მუნიციპალიტეტის მოსახლეობის სოციალური მდგომარეობის გაუმჯობესებას. 2019 წლის ბიუჯეტში „სოციალური თანადაფინანსების პროექტისთვის“ 250 000 ლარია გათვალისწინებული. გასულ წელს, აღნიშნული პროგრამის ფარგლებში ადგილობრივი ბიუჯეტიდან 15 პროექტი დაფინანსდა. გორის მერიის თანაფინანსირების წილმა 260 000 ლარი შეადგინა“, - ნათქვამია მერიის ინფორმაციაში.