გორში საფეხბურთო სკოლის ხელოვნურსაფარიან მოედანზე განათება მოეწყო

გურამ გაბუნიას სახელობის საფეხბურთო სკოლის ხელოვნურსაფარიან მოედანზე ახალი განათების სისტემა მოეწყო. ამის შესახებ „ინტერპრესნიუსს“ გორის მერიიდან აცნობეს.

„ხელოვნურსაფარიანი მოედნის განათება თანამედროვე სტანდარტების შესაბამისად მოეწყო. პროექტი ა(ა)იპ „ქართული ფეხბურთის განვითარების ფონდის“ დაფინანსებით განხორციელდა. 4 500 ლარის ღირებულების სამუშაოები გორის მუნიციპალიტეტის ა(ა)იპმა კეთილმოწყობის სააგენტომ განახორციელა. ა(ა)იპ „ქართული ფეხბურთის განვითარების ფონდმა“ გორის მუნიციპალიტეტის ა(ა)იპ საფეხბურთო კლუბი "გორი", ტექნიკური ხელშეწყობის პროგრამის ფარგლებში ჯამში 50 000 ლარით დააფინანსა.

გარდა განათებისა, აღნიშნული თანხის ფარგლებში ა(ა)იპ გორის მუნიციპალიტეტის საფეხბურთო კლუბი "გორი" გეგმავს ორი სპორტული მოედნის რეაბილიტაციას, ახალგაზრდა ფეხბურთელებისთვის სავარჯიშო ეკიპირებისა და ბურთების შეძენას“, - ნათქვამია გორის მერიის ინფორმაციაში.