მწვრთნელები და სპორტსმენები, რომლებმაც 2018 წელს წარმატებულად იასპარეზეს ადგილობრივ და საერთაშორისო ტურნირებზე, გორის მერმა მადლობის სიგელებითა და ფულადი თანხებით დააჯილდოვა.
როგორც „ინტერპრესნიუსს“ გორის მუნიციპალიტეტის მერიიდან აცნობეს, 3 მწვრთნელისა და სპორტის შვიდ სახეობაში მოქმედი 12 სპორტსმენის დასაჯილდოებლად 4 500 ლარი „სპორტის ხელშეწყობის პროგრამიდან“ გამოიყო. თითოეულს 300 - 300 ლარი პირად ანგარიშზე უკვე ჩაერიცხა.
მათივე ინფორმაციით, აღნიშნული პროგრამის ფარგლებში მხოლოდ მუნიციპალიტეტის ტერიტორიაზე რეგისტრირებული წარმატებული სპორტსმენები და მწვრთნელები ჯილდოვდებიან.