„ნაცმოძრაობის" წევრი რეზო ხარაზი აჭარის პროკურატურას მიმართავს

„ერთიანი ნაციონალური მოძრაობის" წევრი რეზო ხარაზი აჭარის პროკურატურას წერილობით მიმართავს. როგორც მან პროკურატურის შენობასთან განაცხადა, აჭარის საგზაო დეპარტამენტის მიერ 2018 წელს ბიუჯეტიდან გახარჯული თანხების შესწავლას ითხოვს.

რეზო ხარაზის ინფორმაციით, აჭარის საგზაო დეპარტამენტმა „2018 წელს წინასაარჩევნოდ ბიუჯეტიდან თანხები უკანონოდ დახარჯა და ადმინისტრაციული რესურსი გამოიყენა“.

რეზო ხარაზის თქმით, აჭარის საგზაო დეპარტამენტი საჯარო ინფორმაციას მალავს.

„აჭარის საგზაო დეპარტამენტს აჭარის უმაღლესი საბჭოს წევრებმა არაერთხელ მიმართეს ბიუჯეტიდან თანხების ხარჯვასთან დაკავშირებით დოკუმენტები გაეცათ, მაგრამ მათ არ მოგვაწოდეს“,- განაცხადა რეზო ხარაზმა.