„ერთიანი ნაციონალური მოძრაობის“ ზუგდიდის ორგანიზაციის თავმჯდომარის ანა წითლიძის ინფორმაციით, ზუგდიდის მშენებარე სტადიონის გასახდელში ჭერი ჩამოინგრა. წითლიძე ამბობს, სამშენებლო სამუშაოები უხარისხოდ შესრულდა, რაზეც შესაბამისმა სამსახურებმა დროული რეაგირება უნდა მოახდინონ.

„სტადიონი, რომელიც ჯერ არც გახსნილა ასეთ მდგომარეობაში არის. ეს არის მხოლოდ პირველი სართული. აქ არის სხვა ხარვეზებიც, რაც ეხებოდა ბეტონის ჯებირებს“, - განაცხადა ანა წითლიძემ.

ზუგდიდის მერიაში აღნიშნულთან დაკავშირებით კომენტარს ჯერ არ აკეთებენ.