დიმიტრი ხუნდაძე - მოსამართლეობის კანდიდატების შერჩევისას დეპუტატებს ექნებათ საშუალება, საკუთარი პოზიცია ინდივიდუალურად დააფიქსირონ

შეხვედრის მეორე დღე კიდევ უფრო ნაყოფიერი აღმოჩნდა - პრინციპულ საკითხებზე შეთანხმება პრინციპულად მიღწეულია, ახლა შეთანხმება ტექნიკურ საკითხებზე მიდის, - აღნიშნული განცხადება უმრავლესობის სხდომიდან გამოსულმა დეპუტატმა დიმიტრი ხუნდაძემ გააკეთა.

„როგორც იყო მოლოდინი, „ქართული ოცნება“ რთული საკითხებიდან გამოსავალს ყოველთვის პოულობს. ეს გამოსავალი საზოგადოების ინტერესებთან თანხვედრაში იქნება. ჩვენ შევთანხმდით, რომ მოსამართლეთა კანდიდატების შერჩევის კრიტერიუმები იქნება გამჭვირვალე. დეპუტატებს ექნებათ საშუალება, რომ საკუთარი პოზიცია ინდივიდუალურად დააფიქსირონ, ყოველგვარი გუნდური ვალდებულებების გარეშე. პროცესი იქნება გამჭვირვალე და შედეგზე ორიენტირებული. პრინციპულ საკითხებთან დაკავშირებით გუნდში შეთანხმება მიღწეულია“, - განაცხადა დიმიტრი ხუნდაძემ.

უზენაესი სასამართლოს მოსამართლეების არჩევასთან დაკავშირებულ საკითხებზე პარტია “ქართული ოცნების“ ოფისში შეხვედრა გრძელდება. შეხვედრაში პარტიის თავმდომარემ ბიძინა ივანიშვილი მონაწილეობს.