გორის მერია - 2019 წელს 4 მილიონამდე ლარი კარალეთის დევნილთა დასახლებას მოხმარდება

კარალეთის დევნილთა დასახლებაში შიდა გზების რეაბილიტაციას 3 889 930 ლარი მოხმარდება, - ამის შესახებ „ინტერპრესნიუსს“ გორის მერიიდან აცნობეს.

მათივე ინფორმაციით, მიმდინარე წლის ყველაზე მასშტაბური ინფრასტრუქტურული პროექტის განხორციელება მალე დაიწყება. გორის მერიამ პროექტით გათვალისწინებული სამუშაოების შესყიდვის მიზნით ტენდერი 23 იანვარს გამოაცხადა. წინადადებების მიღება 8 - დან 13 თებერვლის ჩათვლით გაგრძელდება. პროექტი ჯამში 6 990 მეტრი სიგრძის გზის კაპიტალურ რეაბილიტაციას ითვალისწინებს. მოეწყობა ახალი რკინა-ბეტონის კიუვეტები, რომლებიც მაქსიმალურად უზრუნველყოფენ წყლის შეგროვებას და არსებულ გრუნტის არხში გადატანას. რეაბილიტირებული გზით ისარგებლებს 3000 - მდე ბენეფიციარი. სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინასებით განხორციელდება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა