აჭარის ავტონიმიური რესპუბლიკის მთავრობის პრესსამსახურის ინფორმაციით, კურორტ გომარდულზე აჭარის მთავრობის გასვლითი სხდომა გაიმართა.მათივე ცნობით, მთავრობის თავმჯდომარე თორნიკე რიჟვაძემ სხდომაზე რამდენიმე მნიშვნელოვან საკითხზე გაამახვილა ყურადღება. რეგიონის ხელმძღვანელმა ქვეყნის განვითარების პროცესში ახალგაზრდობის ჩართულობის მნიშვნელობაზე ისაუბრა.
,,ახალგაზრდები დიდ როლს თამაშობენ რეგიონის განვითარებაში. პირადად გავუწევ კურაციას ახალგაზრდულ საქმეებს. მოვუწოდებ მინისტრებს და ყველა საჯარო დაწესებულებას მაქსიმალური ღიაობა გამოიჩინონ მათ მიმართ - იქნება ეს კომუნიკაცია, დასაქმება, თუ ჩაბმა იმ საერთო საქმეში, რომელსაც მთავრობა ახორციელებს. დარწმუნებული ვარ, მოტივირებულ ახალგაზრდებთან ერთად, საერთო ძალისხმევით შევძლებთ გვქონდეს ძალიან დიდი მიღწევები. განათლებული ახალგაზრდობა იქნება წამყანი ინკლუზიური ეკონომიკის პროექტში, რომელიც ჩვენ დავაანონსეთ და რომელიც პრემიერის ხედვას ჩვენი ქვეყნის განვითარებასთან დაკავშირებით, ბოლომდე ითვალისწინებს“, -განაცხადა თორნიკე რიჟვაძემ.