მოსამართლეთა რიგგარეშე კონფერენცია მიმდინარეობს

იუსტიციის უმაღლეს სკოლაში მოსამართლეთა რიგგარეშე 25-ე კონფერენცია მიმდინარეობს. როგორც კონფერენცის დაწყებამდე იუსტიციის უმაღლესი საბჭოს მდივანმა გიორგი მიქაუტაძემ ჟურნალისტებს განუცხადა, კონფერენციაზე განიხილავენ სასამართლო სისტემისა და იუსტიციის საბჭოს გარშემო ბოლო დროს განვითარებულ მოვლენებს.

„დღეს არის რიგგარეშე კონფერენცია, რომელიც მოწვეულია მიმდინარე მოვლენებიდან გამომდინარე, ასევე სასამართლოსთან მიმართებაში ბოლო პერიოდში განვითარებული მოვლენებიდან გამომდინარე. რამდენიმე პოლიტიკოსის და რიგი არასამთავრობოების მხრიდან ადგილი აქვს კამპანიას სასამართლო სისტემის და იუსტიციის უმაღლესი საბჭოს წინააღმდეგ. ვფიქრობთ, რომ მოსამართლეთა კონფერენციამ ამ საკითხებზე აუცილებლად უნდა გამოხატოს პოზიცია და თავის მოსაზრება დააფიქსიროს", - განაცხადა გიორგი მიქაუტაძემ.

იხილეთ ვიდეო: იუსტიციის უმაღლეს სკოლაში მოსამართლეთა რიგით 25-ე კონფერენცია მიმდინარეობს