წყალტუბოში, სწრაფი კვების ობიექტში აფეთქების შედეგად დაშავებულებიდან ორი ქუთაისში, დამწვრობის ცენტრში გადაიყვანეს

წყალტუბოში სწრაფი კვების ობიექტში აფეთქების შედეგად დაშავებულებიდან ორი ქუთაისში, დამწვრობის ცენტრში გადაიყვანეს.

ერთს კი, სამედიცინო დახმარება ადგილზე გაუწიეს.

"პაციენტების ჯანმრთელობის მდგომარეობა სტაბილურად მძიმეა. ორ ახალგაზრდას ზემო სასუნთქი გზების თერმოინჰალაციური დამწვრობა აქვს მიღებული, ორივეს ასევე დამწვრობები აქვს მიღებული თავზე, კისერსა და ზემო კიდურებზე", -განაცხადა დამწვრობის ცენტრის ქირურგმა გიორგი აბესაძემ.

როგორც „ინტერპრესნიუსს“ „სოკარ ჯორჯია გაზის“ წყალტუბოს სერვისცენტრის ხელმძღვანელმა ბაკურ ბალანჩივაძემ განუცხადა, აღნიშნულ ობიექტზე გამოძახება დღეს დილის 9:30 საათზე მოხდა. მისივე თქმით, ობიექტი 19 იანვარს შეამოწმეს, შედგენილია ოქმი, რომლის შესაბამისად ობიექტის მეპატრონეს, მიცემული ჰქონდა მითითება ტექნიკური ნორმების დაცვასთან დაკავშირებით.