„ბატონო ბიძინა გვიშველე",- ამ ლოზუნგით ბათუმის რესპუბლიკურ საავადმყოფოსთან მოქალაქეებმა და ექიმების ნაწილმა საპროტესტო აქცია გამართა. შეკრებილების თქმით, ისინი ვარაუდობენ, რომ საავადმყოფოს გასხვისება ემუქრება. მათივე თქმით, ბათუმის რესპუბლიკური საავადმყოფოს ახალი შენობის მშენებლობა სწორედ მიზანმიმართულად ჭიანურდება.
აქციის მონაწილეები საქართველოს ჯანდაცვის მინისტრისგან ბათუმის რესპუბლიკურ საავადმყოფოს საკითხთან დაკავშირებით განმარტებებს ითხოვენ.
აქციის მონაწილეებს აჭარის ჯანდაცვის სამინისტროში უპასუხეს. როგორც უწყებაში განმარტეს, ბათუმის რესპუბლიკური საავადმყოფოს გასხვისება არ იგეგმება და ახალი შენობის მშენებლობა უახლოეს მომავალში დასრულდება.