კობი-გუდაურის საავტომობილო გზის მონაკვეთზე ინტენსიური თოვის გამო მსუბუქი ავტომანქანების მოძრაობა განსაკუთრებული სიფრთხილით ხორციელდება. ამის შესახებ ინფორმაციას შინაგან საქმეთა სამინისტრო ავრცელებს.
„საპატრულო პოლიციის დეპარტამენტი გაცნობებთ, რომ კობი-გუდაურის საავტომობილო გზის მონაკვეთზე ინტენსიური თოვის გამო მსუბუქი ავტომანქანების მოძრაობა განსაკუთრებული სიფრთხილით ხორციელდება. საპატრულო პოლიციის რეკომენდაციით, აღნიშნულ მონაკვეთებზე გადაადგილება რეკომენდებულია ზამთრის საბურავებით და დაბალი სიჩქარით.
მოქალაქეებს მოვუწოდებთ, დაემორჩილონ საპატრულო პოლიციის თანამშრომლების მითითებებს და მაქსიმალურად დაიცვან საგზაო მოძრაობის წესები“, - ნათქვამია შსს-ს განცხადებაში.