ბათუმში წერეთლის ქუჩაზე განთავსებული ჯიხურებისა და გარემოვაჭრეთა ე.წ. დახლების აღების სამუშაოები მიმდინარეობს. როგორც ცნობილია, წერეთლის ქუჩაზე უკანონო დახლები იყო განთავსებული, რისი ალაგების მოთხოვნით ბათუმის მერიამ გარემოვაჭრეებს არაერთხელ მიმართა. გარემოვაჭრეები კი ტერიტორიას არ თმობდნენ.
ამ წუთებში, ტერიტორიაზე გარემოვაჭრეების ნაწილია შეკრებილი. მათი განცხადებით, დახლების აღების მოთხოვნაზე ინფორმაცია არ ჰქონდათ. გარემოვაჭრეების დახლების ალაგების სამუშაოებს მერიის წარმომადგენლები ახორციელებენ. ადგილზე სამართალდამცავებიც არიან მობილიზებული.