„ჯორჯიან მანგანეზმა“ ჭიათურაში, სატვირთო ავტომანქანებისათვის სპეციალური ავტოსამრეცხაო გახსნა

კომპანია „ჯორჯიან მანგანეზის“ ჭიათურის სამთო გამამდიდრებელი კომბინატის დარკვეთის მაღაროს ტერიტორიაზე სატვირთო ავტომანქანების სპეციალური ავტოსამრეცხაო გაიხსნა.

როგორც „ინტერპრესნიუსს“ კომპანიიდან აცნობეს, ამიერიდან მანგანუმის მადნით დატვირთული ყველა ავტომანქანა, რომელიც დარკვეთის ტერიტორიაზე მუშაობს, გზას მხოლოდ გარეცხვის შემდეგ გააგრძელებს, რაც საწარმოო მოედნებიდან ქალაქის ცენტრალურ გზებზე ტალახის გავრცელებას მნიშვნელოვნად შეამცირებს.

კომპანიის წარმომადგენლებთან ერთად, ახლად გახსნილი ავტოსამრეცხაო, ჭიათურის მერის მოვალეობის შემსრულებელმა, გივი მოდებაძემ დაათვალიერა.

როგორც მან აღნიშნა, ადგილობრივი ხელისუფლება კომპანიასთან ერთად აქტიურად მუშაობს იმისთვის, რომ ქალაქი უფრო სუფთა იყოს.

ცნობისთვის, „ჯორჯიან მანგანეზი" ასეთი ავტოსამრეცხაოს მოწყობას უახლოეს პერიოდში კიდევ 7 სხვადასხვა ადგილზე გეგმავს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა