ბათუმში 200-მდე მძღოლი საპროტესტო აქციას მართავს. როგორც შეკრებილებმა განაცხადეს, ისინი კომპანია „მაქსიმში“ დასაქმებულები არიან.
მათი თქმით, კომპანიამ მგზავრობის საფასური გაზარდა, თუმცა მათი ანაზღაურება შემცირდა. მძღოლების თქმით, მგზავრობის ღირებულება 1.50 თეთრიდან 1.70 თეთრამდე გაიზარდა. მძღოლები მგზავრობის ტარიფის შემცირებას ითხოვენ, წინააღმდეგ შემთხვევაში, ბათუმის ქუჩებში მსვლელობას და ფართომასშტაბიანი აქციების გამართვას გეგმავენ.