რუსთავის სასაფლაოს მიმდებარე ტერიტორიაზე არსებულ ხიდზე ავტოსაგზაო შემთხვევა მოხდა. ერთმანეთს „ტოიოტასა" და „ფოლკსვაგენ გოლფის" მარკის ავტომანქანები შეეჯახა.

შეჯახების შედეგად მძღოლებმა საჭე ვერ დაიმორჩილეს და ხიდის გასწვრივ გამავალ ლითონის მილებს დაეჯახნენ. ადგილზე მობილიზებულია საპატრულო პოლიცია და სასწრაფო დახმარების ბრიგადა.

ავტოსაგზაო შემთხვევის შედეგად ერთ-ერთი ავტომანქანის მძღოლი დაშავდა. დაშავებული სასწრაფო სამედიცინო დახმარების ბრიგადამ კლინიკა ,,რუსთავში" გადაიყვანა.