სოფო კილაძე მაჟორიტარ დეპუტატებთან ერთად ზუგდიდისა და ხობის მუნიციპალიტეტების მოსახლეობას შეხვდა

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რეგიონალური შეხვედრების კვირეული ზუგდიდისა და ხობის მუნიციპალიტეტების მოსახლეობასთან შეხვედრებით დაიწყო. სოფო კილაძის შეფასებით, შეხვედრების მიზანი ერთი მხრივ, მოქალაქეების ინფორმირებაა კომიტეტის მიერ განხორციელებული რეფორმების შესახებ, ხოლო მეორე მხრივ, მნიშვნელოვანია დეპუტატებმა უშუალოდ პირველწყაროდან მოისმინონ მოსახლეობის გასაჭირი, მათი წინადადებები და მოსაზრებები.

შეხვედრებზე, მაჟორიტარმა დეპუტატებმა მერაბ ქვარაიამ და ირაკლი ბერაიამ კომიტეტის საქმიანობა მიმოიხილეს და მოქალაქეებთან ხშირი ურთიერთობის აუცილებლობაზე ისაუბრეს.

კომიტეტის თავმჯდომარემ შეხვედრებზე იმ ორ ძირითად რეფორმაზე გაამახვილა ყურადღება, რომელიც კომიტეტმა 2018 წელს გაატარა. „სოციალური მუშაკის ინსტიტუციური რეფორმით, სახელმწიფო მყისიერ ინტერვენციას განახორციელებს ჩვენი საზოგადოების ყველაზე მოწყვლადი ჯგუფების პრობლემის აღმოსაფხვრელად, ხელს შეუწყობს და დაეხმარება მათ მომავალ თვითგანვითარებაში.“- აღნიშნა სოფო კილაძემ. მან, ასევე, ისაუბრა ოჯახში ძალადობის პრევენციისკენ მიმართულ საკანონმდებლო პაკეტზე, რომელშიც მეტი აქცენტი ოჯახური დანაშაულის თავიდან აცილების მექანიზებზეა გაკეთებული, ვიდრე დასჯაზე.

„მოსახლეობამ უნდა იცოდეს, რომ თითოეული რეფორმა მათთვის ხელშესახები გახდება, მათი უფლებების დაცვისკენ და კეთილდღეობისკენ იქნება მიმართული. ამიტომ მნიშვნელოვანია, ხელისუფლების წარმომადგენლები ვესაუბრებოდეთ ჩვენს მოქალაქეებს იმ კონკრეტული სიკეთეების და სერვისების შესახებ, რომელსაც ესა თუ ის საკანონმდებლო ცვლილებები მათ მოუტანს. სწორედ ამიტომ ვართ ჩვენ დღეს აქ. სწორედ ესაა ჩვენი შეხვედრების მთავარი მიზანი“ - აღნიშნა კომიტეტის თავმჯდომარემ.

რეგიონალურ შეხვედრებს კომიტეტი ეროვნულ დემოკრატიული ინსტიტუტის (NDI) მხარდაჭერითა და ბრიტანეთის მთავრობის UK Aid-ის ფინანსური ხელშეწყობით მართავს.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის