ბათუმში კომპანია "ტაქსი მაქსიმსა" და მძღოლებს შორის მოლაპარაკება ვერ შედგა

ბათუმში კომპანია "ტაქსი მაქსიმსა" და მძღოლებს შორის მოლაპარაკება ვერ შედგა. როგორც მძღოლებმა ჟურნალისტებს განუცხადეს, კომპანია გაზრდილი სამგზავრო ტარიფის შემცირებას არ თანხმდება. მძღოლები ამბობენ, რომ მათი ნაწილი კომპანიაში მუშაობაზე უარს აცხადებენ, ნაწილი კი საპროტესტო აქციებს აანონსებს.

კომპანია "ტაქსი მაქსიმის" მძღოლებმა აქცია შუადღითაც გამართეს. მათი თქმით, კომპანიამ მგზავრობის საფასური გაზარდა, თუმცა მათი ანაზღაურება შემცირდა. მძღოლების თქმით, მგზავრობის ღირებულება 1.50 თეთრიდან 1.70 თეთრამდე გაიზარდა. მძღოლები მგზავრობის ტარიფის შემცირებას ითხოვენ, რადგან გაზრდილი თანხის პროცენტი კომპანიას მიაქვს.