ქუთაისში შუქნიშნების გაუმართაობას აპროტესტებენ. პარტია „თავისუფალმა საქართველომ" ჭავჭავაძის გამზირზე აქცია გამართა.
პარტიის რეგიონალური ორგანიზაციის თავმჯდომარის გოგი წულაიას განცხადებით, მოუწესრიგებელი საგზაო ინფრასტრუქტურის გამო საავარიო სიტუაციები იქმნება.
„ჭავჭავაძის გამზირზე შუქნიშნები მოუწესრიგებელია. ხშირად იქმნება საავარიო სიტუაცია. გზაჯვარედინზე შუქნიშნები ერთდროულად ირთვება და გაუვალი სიტუაცია ხდება. „თეთრ ხიდზე" თითქმის ნახევარი მილიონი დახარჯეს და ქალაქში ორი შუქნიშანი ვერ დააყენეს. პრობლემას საპატრულო პოლიციაც აღიარებს, თუმცა შედეგი არაა. მილიონები დაიხარჯა შემოვლით გზაზე და დაკეტილია, სატვირთო ავტომობილების გამო გზებზე საცობებია. მოვითხოვთ, იზრუნონ მოქალაქეებზე და ელემენტარული პრობლემა მაინც მოაგვარონ", -განაცხადა გოგი წულაიამ.