ბათუმის მერიაში გარემოვაჭრეებსა და მერიის მრჩეველთა საბჭოს წევრებს შორის შეხვედრა გაიმართა. როგორც მერიის მრჩეველთა საბჭოში განაცხადეს, შეთანხმება შედგა და ძველი ავტოსადგურის მიმდებარე ტერიტორიაზე 160-მდე გარემოვაჭრე ჯიხურს დადგამს და იმუშავებს.
„ჩვენ თანახმა ვართ და მერიის წინადადება მისაღებია. შევთანხმდით, რომ 10-15 დღის ვადაში დაგვიდგამენ ჯიხურებს ავტოსადგურის მიმდებარე ტერიტორიაზე. დეტალებზე შევთანხმდებით", -განაცხადა ერთ-ერთმა მოვაჭრემ.
შეგახსენებთ, რომ ბათუმში, წერეთლის ქუჩაზე ორი დღის წინ, ბათუმის მერიის თანამშრომლებმა ჯიხურები და დახლები აიღეს, რასაც გარემოვაჭრეთა პროტესტი მოჰყვა.