ხვალიდან საგარეჯოში სპორტული დარბაზები პროტესტის ნიშნად დაიკეტება

საგარეჯოში სპორტული დარბაზები ხვალიდან დაიკეტება. ეს გადაწყვეტილება მოქმედმა მწვრთნელებმა მიიღეს, რადგან სპორტული აიპის ხელმძღვანელის, მამუკა კურდღელაშვილის სამსახურში აღდგენაზე საგარეჯოს მერმა უარი განაცხადა.

მხარდამჭერები კურდღელაშვილის სამსახურში აღდგენის მოთხოვნით რაიონის მაჟორიტარს, რომან მუჩიაშვილსაც შეხვდნენ, თუმცა, შეთანხმებას ვერ მიაღწიეს. სპორტსმენებმა პროტესტის ნიშნად 9 და 10 თებერვალს ძიუდოში დაგეგმილ საქართველოს ჩემპიონატში მონაწილეობაზე უარი განაცხადეს.

დილიდან ხმაური და სიტყვიერი დაპირისპირება იყო საგარეჯოს მუნიციპალიტეტის შენობის წინ, სადაც სპორტსმენები, მწვრთნელები და მხარდამჭერები მერს, გიორგი ერბოწონაშვილს სპორტული აიპის ხელმძღვანელის, მამუკა კურდღელაშვილის გათავისუფლებას აპროტესტებდნენ.