გორში წმინდაწყლის დასახლების სივრცითი მოწყობის გენერალურ გეგმასთან დაკავშირებით საჯარო განხილვა გაიმართა

გორის მუნიციპალიტეტის მერიაში წმინდაწყლის დასახლების სივრცითი მოწყობის გენერალურ გეგმასთან დაკავშირებით საჯარო განხილვა გაიმართა.

როგორც „ინტერპრესნიუსს“ გორის მერიიდან აცნობეს, ევროკავშირის მიერ დაფინანსებული პროექტ "დაძმობილების" მიხედვით, გენერალური გეგმის სწორად შემუშავებისა და მისი ეფექტურად განხორციელებისთვის მოსახლეობისა და მესამე სექტორის ჩართულობა ერთ-ერთი აუცილებელი კომპონენტია.

საჯარო განხილვისას პოლონელმა ექსპერტებმა, ეკონომიკის სამინისტროს წარმომადგენლებმა, ინფრასტრუქტურის სამსახურის თანამშრომლებმა და დაინტერესებულმა პირებმა ერთობლივად იმსჯელეს წმინდაწყლის დასახლებაში პრიორიტეტულ პროექტებსა და საჭირო ინფრასტრუქტურის მოწყობაზე.

მერიის პრესსამსახურის ცნობით, ექსპერტებმა სივრცითი მოწყობის სწორ დაგეგმარებასთან ერთად, დამსწრეებს ინფრასტრუქტურული მიმართულებით ევროკავშირის და პოლონეთის გამოცდილებაც გაუზიარეს.

ცნობისთვის, ევროკავშირის მიერ დაფინანსებული პროექტი „ინფრასტრუქტურის ხარისხის გაუმჯობესება უკეთესი დაგეგმვის სისტემების საშუალებით“ საქართველოს მასშტაბით გორისა და ზუგდიდის მუნიციპალიტეტებში ხორციელდება, პროექტის მიზანია დაგეგმარების, პროექტის შერჩევის და მომზადების საუკეთესო პრაქტიკის გაზიარება საქართველოს შესაბამისი სახელისუფლებო ორგანოებისთვის.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს