,,ეიპიემ ტერმინალს ფოთის” წარმომადგენლები ,,მოძრაობა შიმშილის წინააღმდეგ“ (Action Against Hunger) და ,,გერმანიის თანამშრომლობის“ მხარდაჭერით შექმნილი ,,დასაქმებისა და მეწარმეობის პროგრამის“ ფარგლებში, ამავე პროგრამის ფოთელ მონაწილეებს შეხვდნენ.
კომპანიის ცნობით, პროექტი ,,მოწყვლადი იძულებით გადაადგილებული პირებისა და ადგილობრივი მოსახლეობის ეკონომიკური და სოციალური ჩართულობის ხელშეწყობა სამხრეთ კავკასიაში“ პროგრამის ფარგლებში ხორციელდება. პროექტი მეწარმეობისა და დასაქმების პროგრამებისგან შედგება.
მათივე ინფორმაციით, ფოთის საზღვაო ნავსადგურის ადამიანური რესურსების ხელმძღვანელმა მონაწილეებს ტალანტების მოზიდვისა და განვითარების პროგრამა ,,ინპორტისა“ და ქალთა არატრადიციულ თანამდებობებზე წახალისების მიზნით პორტში შესაძლო ახალი დასაქმების/სტაჟირების პროგრამის შექმნასთან დაკავშირებით ინფორმაცია მიაწოდა. ,,შეხვედრის მეორე ნაწილში დროის მართვის შესახებ ტრენიგი გაიმართა, რომელსაც ნავსადგურის სწავლებისა და განვითარების მენეჯერი უძღვებოდა“, - აცხადებენ კომპანიაში.
ფოტო: Employment and Entrepreneurship Shuttle