ანრი ოხანაშვილი - ფარული ჩანაწერების გავრცელების უკან დგას ძალა, რომელსაც სახელისუფლებო გუნდში დისონანსის შეტანა სურს

ფარული ჩანაწერების გავრცელების უკან დგას ძალა, რომელსაც სახელისუფლებო გუნდში დისონანსის შეტანა სურს, მთლიანობაში ეს არის ქვეყნის წინააღმდეგ მიმართული ქმედება, - აღნიშნული განცხადება ჟურნალისტებთან საუბრისას „ქართული ოცნების“ დეპუტატმა ანრი ოხანაშვილმა გააკეთა.

როგორც ანრი ოხანაშვილმა აღნიშნა, მისთვის ამ ეტაპზე უცნობია, თუ ვინ დააკავეს სამართალდამცავებმა, თუმცა დეპუტატის თქმით, საქმეს სჭირდება დროული გამოძიება და კონკრეტული შედეგის დადება.

„ფარული ჩანაწერებით შანტაჟი არის ყოვლად ამორალური ფორმა. შესაბამისად, ამას სჭირდება გამოძიება და იმედი მაქვს, რომ შინაგან საქმეთა სამინისტრო კონკრეტულ შედეგს დადებს“,- განუცხადა ჟურნალისტებს ანრი ოხანაშვილმა.