ფარული ჩანაწერების საქმეზე დაკავებული გიორგი ფარცვანიას მამა შვილის დაკავებას პოლიტიკურ ანგარიშსწორებას უწოდებს

ფარულ ვიდეოჩანაწერებთან დაკავშირებით დაკავებული 16 პირიდან ერთ-ერთი ზუგდიდელი გიორგი ფარცვანიაა.

როგორც „ინტერპრესნიუსს“ მისი ოჯახის წევრებმა განუცხადეს, ფარცვანია გუშინ ლუკა ჩხეტიას მხადამჭერ აქციაზე იმყოფებოდა და სწორედ იქ დააკავეს.

მამა, ჰამლეტ ფარცვანია შვილის მიერ ფარული კადრების გავრცელების ფაქტს გამორიცხავს და მის დაკავებს პოლიტიკურ ანგარიშსწორებას უწოდებს.

„ჩემი ოჯახი არის „ნაციონალური მოძრაობის“ მხარდამჭერი. სწორედ ამიტომ მოხდა ჩემი შვილის დაკავება. არაერთხელ ყოფილა ზეწოლა ჩვენზე. ვერაფერი რომ ვერ გვიქნეს, ბავშვი დაიჭირეს. ბათუმში ცხოვრობს ნაქირავებ ბინაში ცოლთან ერთად, დისტრიბუციაში მუშაობდა. თბილისში ლუკა ჩხეტიას მხარდასაჭერ აქციაზე ყოფილა წასული. თვითონ სუს-ი აგზავნის ვიდეოებს, ჩემთანაც იყო გამოგზავნილი, მაგრამ ვირუსი მეგონა და წავშალე. ამას აკეთებენ თვითონ“, - განაცხადა ჰამლეტ ფარცვანიამ.

შსს ინფორმაციით, ვიდეოჩანაწერის შენახვის და გავრცელების ბრალდებით, საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით დაკავებულია 16 პირი. სხვა დეტალებზე უწყებაში არ საუბრობენ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა