ხობის ცენტრში მომხდარი ავტოსაგზაო შემთხვევის შედეგად ერთი ადამიანი დაშავდა. არსებული ინფორმაციით, ერთმანეთის ორი მსუბუქი ავტომობილი შეეჯახა.
როგორც "ინტერპრესნიუსს" შს სამინისტროში განუცხადეს, ფაქტზე გამოძიება სს კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის დარღვევას გულისხმობს და ისჯება ჯარიმით ან თავისუფლების შეზღუდვით ვადით სამ წლამდე.
თვითმხილველების ინფორმაციით, ავარიის გამო ცენტრალურ გზაზე გადაადგილება შეზღუდული იყო.