სოფლის მხარდაჭერის პროგრამის ფარგლებში, ივანე მაჭავარიანი სოფელ ზეღდულეთის მოსახლეობას შეხვდა

ფინანსთა მინისტრი ივანე მაჭავარიანი სოფლის მხარდაჭერის პროგრამის ფარგლებში, გორის მუნიციპალიტეტის სოფელ ზეღდულეთში ჩავიდა და სოფლის მცხოვრებლებს შეხვდა.

როგორც „ინტერპრესნიუსს“ ფინანსთა სამინისტროდან აცნობეს, შეხვედრას ასევე, დაესწრო შიდა ქართლის სახელმწიფო რწმუნებული გიორგი ხოჯევანიშვილი.

სოფლის კრებაზე ადგილობრივები ფინანსთა მინისტრს სოფელში არსებული პრობლემების შესახებ ესაუბრნენ და აღნიშნეს, რომ სოფლის მხარდაჭერის პროგრამით გათვალისწინებულ თანხას ისინი სოფლისთვის ყველაზე მნიშვნელოვანი პროგრამის დაფინანსებისთვის გამოიყენებენ.

„როგორც წესი, მოსახლეობასთან დიალოგი ყველას საარჩევნოდ ახსენდება. ჩვენ გადავწყვიტეთ, სწორედ არჩევნების დასრულების შემდეგ და მომავალ საპარლამენტო არჩევნებამდე, თითქმის, 2 წლით ადრე, თითოეულ სოფელში შევხვდეთ მოსახლეობას, მოვისმინოთ მათი პრობლემები, ერთად მოვძებნოთ გადაჭრის გზები. ასეთი კომუნიკაცია მომავალშიც აქტიურად გაგრძელდება. სოფლის მხარდაჭერის პროგრამა მნიშვნელოვანია, რადგან თავად მოსახლეობას შეუძლია შეარჩიოს პრიორიტეტული პროექტები. სწორედ ამიტომ, ჩვენ მივიღეთ გადაწყვეტილება პროგრამის გაორმაგების შესახებ და წელს ამ მიმართულებით 40 მლნ ლარი დაიხარჯება“, - აღნიშნა ფინანსთა მინისტრმა.

მისივე თქმით, ადგილობრივი ხელისუფლების მხარდაჭერით, სოფელ ზეღდულეთში ეტაპობრივად მოგვარდება ყველა ის პრობლემა, რომელიც ამჟამად აწუხებს მოსახლეობას, მათ შორისაა, სასმელი და სარწყავი წყლის სისტემების, გარე განათების მოწესრიგება, გმირთა მემორიალის მშენებლობა და მიმდინარე სხვა საკითხები.

სოფლის კრებაზე მიღებული ერთობლივი გადაწყვეტილებით, სოფლის მხარდაჭერის პროგრამით გათვალისწინებული თანხით წელს ზეღდულეთში რიტუალების სახლის კეთილმოწყობის სამუშაოები დასრულდება.

„საქართველოს მთავრობის გადაწყვეტილებით, აღნიშნული პროგრამა 2019 წლიდან აღდგა. 15 იანვრიდან დღემდე, უკვე გაიმართა ათასზე მეტი სოფლის კრება.

პროგრამის ფარგლებში, სულ 3700 სოფელში მცხოვრები ნახევარ მილიონზე მეტი ადამიანი თავად გადაწყვეტს, როგორ დაიხარჯება პროგრამისთვის განკუთვნილი 40 მილიონი ლარი“, - ნათქვამია სამინისტროს პრესსამსახურის ინფორმაციაში.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს