ბათუმში, ორსართულიან საცხოვრებელ სახლში გაჩენილი ხანძარი ლოკალიზებულია

ბათუმში, ბერიძის ქუჩაზე ორსართულიან საცხოვრებელ სახლში გაჩენილი ხანძარი ლოკალიზებულია. საგანგებო სიტუაციების მართვის სამსახურის ინფორმაციით, ცეცხლის გავრცელების საფრთხე აღარ არსებობს.

ადგილზე მუშაობს 8 სახანძრო-სამაშველო ჯგუფი. შემთხვევის შედეგად არავინ დაშავებულა.

ამასთან, როგორც ბათუმის მერმა ლაშა კომახიძემ ჟურნალისტებს განუცხადა, ხანძრის შედეგად დაახლოებით ოთხი საცხოვრებელი სახლის სახურავიც დაზიანდა. ბათუმის მერის ცნობით, შემთხვევის ადგილზე ბათუმის მერიის შესაბამისი სამსახურების წარმომადგენლები იმყოფებიან, რომლებიც დაზარალებულ ოჯახებს სწავლობენ და საჭიროების შემთხვევაში, მათ მერია დახმარებას გაუწევს.

ხანძართან დაკავშირებით, საქართველოს შინაგან საქმეთა სამინისტრომ გამოძიება "სისხლის სამართლის კოდექსის“ 187-ე მუხლით დაიწყო, რაც ნივთის დაზიანებას ან განადგურებას გულისხმობს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს