პრეზიდენტი სალომე ზურაბიშვილი მსახიობ გურანდა გაბუნიას გარდაცვალების გამო, მწუხარებას გამოთქვამს. აღნიშნულის შესახებ განცხადება პრეზიდენტის პრესსპიკერმა ხატია მოისწრაფიშვილმა გააკეთა.
„მინდა სალომე ზურაბიშვილის სახელით სამძიმარი გამოვუცხადო საქართველოს სახალხო არტისტის, ღირსების ორდენის კავალერის, მრავალი საერთაშორისო პრემიის ლაურეატის და უბრალოდ შესანიშნავი ქართველი მსახიობის, ქალბატონ გურანდა გაბუნიას გარდაცვალების გამო მის ოჯახს და სრულიად საქართველოს“,- განაცხადა მოისწრაფიშვილმა.
მსახიობი გურანდა გაბუნია 4 თებერვალს, 80 წლის ასაკში გარდაიცვალა.