გურჯაანის რაიონულ სასამართლოში, „ნაციონალური მოძრაობის" აქტივისტის შოთა დალაქიშვილის ცემის ბრალდებით დაკავებულების წინასასამართლო პროცესი გაიმართა. ბრალდების მხარე მამუკა უსენაშვილს, თენგიზ ჯანიაშვილს და გოჩა მაისურაძეს 16 დეკემბერს, ველისციხეში ინციდენტში მონაწილეობას და ერთი პირის მიმართ ფიზიკურ შერაცხყოფას ედავება.

მოსამართლე ნუნუ ნემსიწვერიძემ დაცვის მხარის შუამდგომლობა 5000- ლარიანი გირაოს შეფარდებაზე არ გაითვალისწინა და სამივე ბრალდებული პატიმრობაში დატოვა. საქმეზე გამოძიება სისხლის სამართლის კოდექსის 118-ე მუხლის მესამე ნაწილით მიმდინარეობს, რაც ჯანმრთელობის განზრახ, ნაკლებად მძიმე დაზიანებას გულისხმობს.

მორიგი სასამართლო სხდომა 12 თებერვალს დაინიშნა.