ზუგდიდის მერიის ყოფილი მაღალჩინოსნის დედა - ჩემი შვილი უდანაშაულოა და ის უნდა გაათავისუფლონ

ზუგდიდის მერიის ყოფილი მაღალჩინოსნის, თენგიზ ქობალიას დედა აზა ჯოლოგუამ, რომელიც სახელმწიფო უსაფრთხოების სამსახურის სამეგრელო-ზემო სვანეთის დეპარტამენტთან მხარდამჭერებთან ერთად იმყოფებოდა, აქცია დროებით შეწყვიტა. მან აღნიშნული გადაწყვეტილება მას შემდეგ მიიღო, რაც ადგილზე მისი შვილის ადვოკატი სოსო ჯანაშია მივიდა.

„დღეს დროებით ვიშლებით, მაგრამ ეს იმას არ ნიშნას, რომ აქციებს ვწყვეტ. ხვალ-ზეგ ჩვენ უფრო მეტი ვიქნებით. ჩემი შვილი უდანაშაულოა და ის უნდა გაათავისუფლონ“, - განაცხადა აზა ჯოლოგუამ.

დაკავებულის დედამ მხარდამჭერებთან ერთად დღეს სუს-ის სამეგრელო-ზემო სვანეთის დეპარტამენტთან აქცია გამართა. ის დეპარტამენტის ხელმძღვანელთან შეხვედრას ითხოვდა, რის შემდეგაც შენობაში შეჭრა სცადა.

ზუგდიდის მუნიციპალური სერვისების მართვის სამსახურის ყოფილი უფროსი თენგიზ ქობალია 24 დეკემბერს საკუთარ კაბინეტში დააკავეს. გამოძიება მას დანაშაულის შეუტყობინებლობას ედავება. სუს-ის განცხადებით, იგი ზუგდიდის მუნიციპალიტეტის მერის ლაშა გოგიას და ვიცე-მერის გია გულორდავას მიერ განსაკუთრებით მძიმე დანაშაულის ჩადენის ფაქტი შეიტყო და აღნიშნულის შესახებ სამართალდამცავ ორგანოებს არ აცნობა. ქობალიას წინასწარი პატიმრობა 25 დეკემბერს შეეფარდა. ის ბრალს არ აღიარებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა