საქართველოს წითელი ჯვრის საზოგადოების პრეზიდენტმა აჭარაში შეხვედრები გამართა

საქართველოს წითელი ჯვრის საზოგადოების პრეზიდენტი ნათია ლოლაძე აჭარაში იმყოფებოდა.

როგორც „ინტერპრესნიუსს“ საქართველოს წითელი ჯვრის საზოგადოებიდან აცნობეს, ნათია ლოლაძემ შეხვედრები გამართა აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან და ჯანმრთელობისა და სოციალური დაცვის მინისტრ ზაალ მიქელაძესთან.

შეხვედრის ფარგლებში განხილეს საქართველოს წითელი ჯვრის საზოგადოების მიმდინარე საქმიანობა და ასევე მხარეებმა საერთო სამომავლო გეგმებზეც ისაუბრეს.

„საქართველოს წითელი ჯვრის საზოგადოების პრეზიდენტმა ნათია ლოლაძემ და ბათუმის ფილიალის თავმჯდომარემ ოთარ დავითაძემ „ელსივაიკიკი გეს“ მხარდაჭერით, ჯანმრთელობისა და სოციალური დაცვის მინისტრთან ზაალ მიქელაძესთან ერთად მრავალშვილიან და სოციალურად დაუცველ ოჯახებს ჰუმანიტარული ამანათები გადასცა. მისიის ფარგლებში ჰუმანიტარული ამანათები ეტაპობრივად გადაეცემა აჭარის ყველა მუნიციპალიტეტის მოსახლეობას“, - ნათქვამია საქართველოს წითელი ჯვრის საზოგადოების მიერ გავრცელებულ ინფორმაციაში.