თბილისის მოსწავლე-ახალგაზრდობის სასახლეს რეაბილიტაცია ჩაუტარდება

თბილისში მდებარე მოსწავლე-ახალგაზრდობის სასახლეს რეაბილიტაცია ჩაუტარდება, - ამის შესახებ თბილისის მერმა, კახა კალაძემ დედაქალაქის მთავრობის სხდომის დაწყებისას განაცხადა.

მისივე თქმით, კონკურსი გამოცხადებულია საპროექტო სამუშაოების შესყიდვაზე, რომელიც 10 თებერვალს დასრულდება.

„მოსწავლე-ახალგაზრდობის სასახლე არის შენობა-ნაგებობა, რომელიც 200 წელს ითვლის და ერთ-ერთი უნიკალური ნაგებობაა დედაქალაქში, რომელმაც უამრავი ქარტეხილი გამოიარა, ბევრჯერ შეიცვალა იერსახე, თუმცა ჩვენ ვიცით, როგორი დატვირთვა აქვს და რამდენად მნიშვნელოვანია ეს შენობა. სწორედ მის თავზე აღიმართა პირველი რესპუბლიკის დროშა. შესაბამისად, ჩვენ დაგეგმილი გვაქვს მისი რეაბილიტაცია, მოწესრიგება. დღეს საუკეთესო ფუნქცია აქვს ამ შენობას, ის ემსახურება ბავშვებს და კიდევ დიდხანს მოემსახურება, თუ სათანადოდ მოვუვლით და ვუპატრონებთ. განწყობა გვაქვს, რომ ეს ყველაფერი იქნას მოწესრიგებული. კონკურსი გამოცხადებულია საპროექტო სამუშაოების შესყიდვაზე, რომელიც 10 თებერვალს დასრულდება. პროექტის ღირებულება 599 ათასი ლარია. პროექტებს, რომელიც იქნება წარმოდგენილი, ეტაპობრივად მივიღებთ. პირველი აქცენტი იქნება ფასადის აღდგენაზე და შიგნითაც საკმაოდ მნიშვნელოვანი სამუშაო იქნება ჩასატარებელი, რადგან ეს არის ძეგლი და სამუშაოები მაქსიმალურად სწორად იქნება გასატარებელი. თუმცა მთავარია, რომ შენობა იქნება რეაბილიტირებული“, - განაცხადა კახა კალაძემ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 18.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
აჭარული სოფლები და მთები, როგორც ოთხივე სეზონის ტურისტული პროდუქტი
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება