სოფელ ატოცის სიახლოვეს ოკუპირებულ ტერიტორიაზე ხანძარია

ქარელის მუნიციპალიტეტის მოსაზღვრე სოფელ ატოცის სიახლოვეს ოკუპირებულ ტერიტორიაზე ხანძარია. შემთხვევის ადგილი გამყოფი ხაზიდან დაახლოებით 150 მეტრითაა დაშორებული.

როგორც „ინტერპრესნიუსს“ ქარელის მუნიციპალიტეტის მერმა ზაზა გულიაშვილმა განუცხადა, საქართველოს ცენტრალური ხელისუფლების მიერ კონტროლირებად ტერიტორიაზე ცეცხლის გავრცელების საფრთხე ამ დროისთვის არ არსებობს.

„გამყოფი ხაზიდან დაახლოებით 150 მეტრში ცეცხლი ბალახს მოედო. დეფაქტო რეჟიმის მიერ კონტროლირებად აღნიშნულ ტერიტორიაზე ხანძრის კერები პერიოდულად ქრება და შემდგომ რამდენიმე ადგილზე თავი კვლავ იჩინა. ამ დროისთვის საქართველოს ცენტრალური ხელისუფლების მიერ კონტროლირებად ტერიტორიაზე ხანძრის გავრცელების საფრთხე არ არსებობს, თუმცა ამის მიუხედავად სახანძრო-სამაშველო სამსახურის სამი ეკიპაჟი უკვე გზაშია და ყველანაირი რისკის თავიდან აცილების მიზნით ცოტა ხანში ადგილზე იქნება“, - განაცხადა „ინტერპრესნიუსთან“ საუბრისას ქარელის მუნიციპალიტეტის მერმა ზაზა გულიაშვილმა.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“