საქართველოს პრეზიდენტი სალომე ზურაბიშვილი სამუშაო ვიზიტით საფრანგეთს 17-19 თებერვალს ეწვევა, ხოლო გერმანიას 19-21 თებერვალს. ამის შესახებ ნათქვამია მთავრობის განკარგულებაში, რომელიც სამუშაო ვიზიტებთან დაკავშირებულ წინადადებაზე თანხმობის მიცემას ეხება.

სალომე ზურაბიშვილი შეხვედრებს პარიზსა და ბერლინში გამართავს.

საფრანგეთში და გერმანიაში დაგეგმილ ვიზიტებთან დაკავშირებით პრეზიდენტის პრესსპიკერმა ხატია მოისწრაფიშვილმა ორი დღის წინ, პრესკონფერენციაზე განაცხადა.

როგორც მოისწრაფიშვილმა აღნიშნა, ვიზიტის დღის წესრიგი და შეხვედრის განრიგები ზუსტდება.