არ მაქვს მოლოდინი, რომ თემირლან მაჩალიკაშვილის საკითხზე პარლამენტში საგამოძიებო კომისია შეიქმნება, - ასე უპასუხა „ინტერპრესნიუსის“ შეკითხვას ,,ევროპული საქართველოს" ერთ-ერთმა ლიდერმა სერგი კაპანაძემ.

,,ჩვენ მიგვაჩნია, რომ ამ თემაზე საგამოძიებო კომისია უნდა შეიქმნას გამომდინარე იქიდან, რომ ბევრი კითხვაა პასუხგაუცემელი და როგორც ჩანს, შსს და პროკურატურა არც აპირებენ პასუხის გაცემას. იმისათვის, რომ შეიქმნას კომისია, 50 დეპუტატია საჭირო. უმრავლესობის დეპუტატები მხარს არ დაუჭერენ.

დიდი შანსი არ არის ამ კომისიის შექმნის, მაგრამ ჩვენ ყველაფერს ვიზამთ, რომ ამ თემაზე დისკუსიები შედგეს", - განაცხადა კაპანაძემ.

შეგახსენებთ, მალხაზ მაჩალიკაშვილმა პარლამენტს თემილან მაჩალიკაშვილის საქმეზე საგამოძიებო კომისიის შექმნის მოთხოვნით მიმართა.