ბათუმში, გუდიაშვილის რვა ნომერში მშენებარე კორპუსის ბინების მეპატრონეები მშენებლობის დროულად დასრულებას ითხოვენ.

მოქალაქეები პროტესტის ნიშნად ბათუმის საქალაქო სასამართლოსთან შეიკრიბნენ.

აქციის მონაწილეები აცხადებენ, რომ კორპუსის მშენებელობა ორი წლის წინ უნდა დასრულებულიყო, თუმცა პარტნიორ კომპანიებს შორის მიმდინარე სასამართლო დავის გამო მშენებლობის პროცესი გაჭიანურებულია.

შეკრებილები აცხადებენ, რომ სასამართლომ დავის დასრულებამდე კომპანიის წარმომადგენლებს მშენებლობის დასრულება უნდა მოსთხოვოს. ისინი ბინების დროულად გადაცემას ითხოვენ, წინააღმდეგ შემთხვევაში, აცხადებენ, რომ უსახლკაროდ რჩებიან.