ბათუმში მულტიმოდალური გადატვირთვის ტერმინალი გაიხსნა

აჭარის მთავრობის თავმჯდომარემ თორნიკე რიჟვაძემ, საქართველოს ეკონომიკისა და მდგრადი განვითარების მინისტრთან გიორგი ქობულიასთან ერთად დღეს შპს „ბათუმის საერთაშორისო საკონტეინერო ტერმინალის“ ტერიტორიაზე მულტიმოდალური გადატვირთვის ტერმინალი გახსნა.

როგორც „ინტერპრესნიუს“ აჭარის მთავრობიდან აცნობეს, აღნიშნული ინფრასტრუქტურული პროექტების რეალიზება მნიშვნელოვნად აუმჯობესებს საკონტეინერო ტერმინალის და ნავსადგურის საქმიანობის ეფექტურობისა და მომსახურების ხარისხს, რაც რეგიონის ეკონომიკას კიდევ უფრო გააძლიერებს და განავითარებს.

თორნიკე რიჟვაძემ ბათუმის საზღვაო ნავსადგურის ისტორიულ მნიშვნელობაზე და სტრატეგიულ დანიშნულებაზე ისაუბრა.

„მნიშვნელოვანი ინფრასტრუქტურული პროექტი შეემატა ქალაქს. მულტიმოდალური ტერმინალი დაეხმარება ბათუმის საზღვაო ნავსადგურს გააორმაგოს ტვირთბრუნვა, რის შედეგადაც ჩვენ მოგვეცემა საშუალება, კიდევ უფრო განვავითაროთ ადგილობრივი ეკონომიკა, მეტად დავასაქმოთ ჩვენი მოქალაქეები. ჩვენი გაცხადებული პრიორიტეტია, რომ ჩვენი ქვეყანა გადავაქციოთ რეგიონალურ ჰაბად ლოჯისტიკისა და ტრანსპორტის მიმართულებით. სწორედ ამიტომ, მნიშვნელოვანია ის ახალი, მოდერნიზებული ინფრასტრუქტურა, რომელიც ხელს შეუწყობს ამ მიზნის მიღწევას“, - განაცხადა აჭარის მთავრობის თავმჯდომარემ ტერმინალის გახსნის ცერემონიალზე.

„განახლებული ტერმინალი და ინფრასტრუქტურა გააორმაგებს ტერმინალის გამტარუნარიანობას. შპს „მედლოგ ჯორჯიას“ და BICT - Batumi International Container Terminal LLC ერთობლივი ძალისხმევით 2 ჰექტარ ტერიტორიაზე მოეწყო სასაწყობე ინფრასტრუქტურა და დახურული თანამედროვე საბაჟო საწყობი.

წარმატებით განხორციელდა ფსკერდამაღრმავებელი სამუშაოები, რის შედეგადაც ბათუმის საერთაშორისო საკონტეინერო ტერმინალის ნავმისადგომებზე უკვე შესაძლებელია საკონტეინერო გემების მიღება 11მ წყალშიგით, რაც მნიშვნელოვნად ზრდის საოპერაციო შესაძლებლობებს და უზრუნველყოფს მომსახურების კონკურენტუნარიანობას“, - ნათქვამია ინფორმაციაში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს