მიხეილ ბატიაშვილი - საგანმანათლებლო დაწესებულებების ინფრასტრუქტურული პრობლემების მოგვარებას გადამწყვეტი მნიშვნელობა აქვს

საგანმანათლებლო დაწესებულებების ინფრასტრუქტურული პრობლემების მოგვარებას გადამწყვეტი მნიშვნელობა აქვს. ამ ეტაპზე გვაქვს საჭიროებათა ერთიანი ბაზა, რომლითაც ვხელმძღვანელობთ,- ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა პარლამენტის პლენარულ სხდომაზე განაცხადა.

„ინფრასტრუქტურული პროექტების ბიუჯეტი გავზარდეთ, თუმცა ეს არ არის საკმარისი. დამატებით კიდევ რამდენიმე მილიარდი გვჭირდება, რომ დასრულდეს რეაბილიტაციის პროცესი. ამ ეტაპზე გვაქვს საჭიროებათა ერთიანი ბაზა, რომლითაც ვხელმძღვანელობთ. საგანმანათლებლო დაწესებულებების ინფრასტრუქტურული პრობლემების მოგვარებას გადამწყვეტი მნიშვნელობა აქვს“,- განაცხადა ბატიაშვილმა.

მინისტრმა სკოლებში ჰიგიენურ პრობლემებთან დაკავშირებულ შეკითხვასაც უპასუხა და აღნიშნა, რომ ამ საკითხის გადაჭრაც იგეგმება, ვინაიდან ეს ერთ-ერთ პრიორიტეტს წარმოადგენს. მისი თქმით, ამ ეტაპზე მიმდინარეობს იმის დაანგარიშება, თუ რა რესურსი იქნება საჭირო პრობლემის აღმოსაფხვრელად. აგრეთვე, მუშავდება ერთიანი პროექტი, რომელიც სანიტარული და ჰიგიენური ნორმების მოგვარებისკენ იქნება მიმართული.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს