ქუთაისში დავითობას აღნიშნავენ

საქართველო დღეს დავით აღმაშენებლის ხსენების დღეს აღნიშნავს. „ინტერპრესნიუსის“ კორესპონდენტის ინფორმაციით, ქუთაისში სადღესასწაულო ღონისძიებები დილიდანვე დაიწყო.

დღესასწაულთან დაკავშირებით, გელათის მონასტერში, სადაც მეფე დავით აღმაშენებელია დაკრძალული, სხვადასხვა ღონისძიებები გაიმართება.

წმინდა მეფე დავით აღმაშენებელი 1089 წელს, 16 წლის ასაკში გამეფდა და 36 წელი მეფობდა. იგი 1125 წელს აღესრულა. აღმაშენებელი დაკრძალულია მის მიერვე აგებულ გელათის მონასტრის სამხრეთის კართან. მოგვიანებით, საქართველოს მართლმადიდებელმა ეკლესიამ დავით მეფე წმინდანად შერაცხა და მისი ხსენების დღედ 8 თებერვალი დააწესა.