აჭარის უმაღლესი საბჭოს თავმჯდომარემ შეფასებითი კვლევის ანგარიშის პრეზენტაცია გამართა

მზად ვარ, ვითანამშრომლო ყველა იმ უწყებასა თუ ორგანიზაციასთან, რომელიც რეგიონის სტრატეგიული განვითარების მიმართულებით იმუშავებს, - ამის შესახებ აჭარის უმაღლესი საბჭოს თავმჯდომარემ დავით გაბაიძემ, სასტუმრო „ჰილტონში“, შეფასებითი კვლევის - ,,აჭარის რეგიონული განვითარების პოლიტიკის ფორმირებისა და დაფინანსების პროცესში სხვადასხვა დაინტერესებული მხარეების მონაწილეობის შეფასება“ ანგარიშის წარდგენისას განაცხადა.

როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს შეხვედრა, რომელიც ევროკავშირის მიერ დაფინანსებული პროექტის ,,რეგიონების მხარდაჭერა მდგრადი განვითარებისთვის“ (ARSD) ფარგლებში გაიმართა, აჭარის რეგიონული განვითარების პოლიტიკის ფორმირების, სტრატეგიების შემუშავებისა და დაფინანსების პროცესში რეგიონის ხელისუფლებასა და სხვა დაინტერესებული მხარეებს შორის აქტიური თანამშრომლობის ხელშეწყობას ისახავდა მიზნად.

მათივე ინფორმაციით, პროექტს „კონსულტაციისა და ტრენინგის ცენტრი“ (CTC), პარტნიორ ორგანიზაციებთან „ფიფლ ინ ნიდ“ (PIN) და „დემოკრატიის ინსტიტუტთან“ (IOD) თანამშრომლობით ახორციელებს.