ფოთის საკრებულოს დამოუკიდებელი დეპუტატი „დემოკრატიული მოძრაობიდან“ თორნიკე ხარჩილავა „ქართულ ოცნებაში“ გადავიდა

ფოთის საკრებულოს დამოუკიდებელი დეპუტატი „დემოკრატიული მოძრაობიდან“ თორნიკე ხარჩილავა „ქართულ ოცნებაში“ გადავიდა. ხარჩილავას თქმით, გადაწყვეტილება იმის გამო მიიღო, რომ მისი შეხედულებები მმართველი პარტიის პოლიტიკურ შეხედულებებთან თანხვედრაშია.

„ეს გადაწყვეტილება იმიტომ მივიღე, რომ ჩემი და „ქართული ოცნების“ პოლიტიკური შეხედულებები თანხვედრაშია. დიდი მადლობა გუნდს გამოცხადებული ნდობისთვის, ვფიქრობ ასე უფრო გამოვადგები ფოთს. ერთიანი ძალებით, ერთიანი შემართებით მივიყვანთ ქალაქს უკეთესი მომავლისკენ,“- განუცხადა ჟურნალისტებს თორნიკე ხარჩილავამ. იგი ხმათა უმრავლესობით ფრაქცია ,,ქართული ოცნების“ თავმჯდომარის მოადგილედ დაინიშნა.